Таъсиси озмоишгоҳҳои ташхисӣ

Душанбе, 09.08.2014. (АМИТ «Ховар», Раъно Нусратуллозода).- Бо мақсади боз ҳам беҳтар гардидани таъмини бехатарии маҳсулоти хӯрокворӣ соли ҷорӣ дар Агентии Тоҷикстандарт ду озмоишгоҳ оид ба муайян намудани ГМО (мавҷудияти организмҳои ба таври генетикӣ тағйирдодашуда) дар маводи ғизоӣ бо усулҳои нави ташхис таъсис меёбад. Озмоишгоҳҳои мазкур дар ҷумҳурӣ аввалин ба шумор мераванд, ки мавҷудияти организмҳои ба таври генетикӣ тағйирдодашударо дар таркиби маводи ғизоӣ муайян мекунанд. Дар ин замина 4 мутахассиси Агентии Тоҷикстандарт дар шаҳри Маскави Федератсияи Русия аз курси омӯзишӣ гузашта, барои оғоз намудани фаъолият омодаанд. Инчунин дар маркази Тоҷикстандарт дар вилояти Суғд як озмоишгоҳи ташхиси микробиологии маводи ғизоӣ таъсис дода шудааст.