Воқеаи нохуш
Душанбе, 06.08.2014. (АМИТ «Ховар», Муқаддас Темурзода).- Дирӯз, тахминан соати 00:30-дақиқа дар мавзеи Ниводаки шаҳри Хоруғ, аз дохили автомашинаи сиёҳшиша, тамғаи «MERCEDES-BENZ 600», ҷасади шаҳрвандон Охонқадамов Сайёд Бозичаевич ва Хушдилов Далер Давлатқадамович, соли таваллудашон 1988, сокинони шаҳри Хоруғ, бо аломатҳои марги маҷбурӣ, аз силоҳи оташфишон дарёфт гардид.Тавре ки ВКД ҶТ хабар медиҳад, ба ҷойи ҳодиса муовини Вазири корҳои дохилӣ генерал-майори милитсия Навҷувонов Абдулло Шанбиевич, прокурори ВМКБ Муҳаммад Арбобов, иҷрокунандаи вазифаи сардори Шӯъбаи ВКД дар шаҳри Хоруғ Қиёмиддин Низомиддинов ва дигар мутахассисони Раёсати ВКД дар ВМКБ рафта, ҷойи ҳодисаро аз назар гузарониданд. Оид ба ҳодисаи мазкур парвандаи ҷиноятӣ оғоз карда шуда, гурӯҳи оперативӣ-тафтишотӣ ташкил гардид.Бо супориши Вазири корҳои дохилӣ генерал-лейтенанти милитсия Раҳимзода Рамазон Ҳамро ба ҷойи ҳодиса ва барои бурдани корҳои тафтишотӣ ба ВМКБ мутахассисони Раёсати экспертӣ-криминалистӣ ва тафтишотии Вазорати корҳои дохилӣ фиристода шуд.Бояд зикр намуд, ки парвандаи ҷиноятии мазкур зери назорати Вазири корҳои дохилӣ Раҳимзода Рамазон Ҳамро гирифта шуд.
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
