Ярмаркаи мактабиён дар Суғд

Хуҷанд, 18.08.2014. (АМИТ «Ховар», Абдуаҳад  Шарифзода). – Дар  шаҳри  Хуҷанди  вилояти   Суғд  ярмаркаи  мактабиён ба  кор  шурӯъ  кард.
Тавре  ки  аз  шуъбаи маорифи   маъмурияти  шаҳри  Хуҷанд  хабар  доданд,  дар  маросими  ифтитоҳи  ярмарка  раиси  шаҳри  Хуҷанд  Раҷаббой  Каримов  ширкат  намуда,   ба  беш  аз  200  нафар фарзандони  оилаҳои  камбизоат, ки    имсол  бори  аввал  ба мактаб  мераванд, ашёҳои  хониш тақдим  намуд. Имсол 4 корхонаю  иттиҳодияи  давлатӣ ва 20  корхонаи шахсӣ  дар ярмарка  маҳсулоти  худро  ба  харидорон арза доштанд.
Соли  ҷорӣ қариб  25  ҳазор  нафар  хонандагони Хуҷанд ба мактаб  мераванд. То имрӯз  дар  маркази  вилояти  Суғд 47  мактаби таҳсилоти  мухталиф  фаъолият  дорад.