Қиморхонаи махфӣ ошкор гардид
Душанбе, 05.09.2014. (АМИТ «Ховар», Муқаддас Темурзода). – Кормандони Вазорати корҳои дохилӣ дар шаҳри Кӯлоб қиморхонаи махфиро ошкор намуданд.Мувофиқи маълумоти ВКД ҶТ, шаҳрванд Маҳмадсаид Давлатов бо сокинони шаҳри Кӯлоб Изатулло Тошов, Ҷамшед Камолов, Абдуғаффор Иброҳимов ва Ҷамшед Табаров забон як карда, қиморхонаи махфӣ кушоданд, ки аз фаъолияти он маблағҳои ҳангуфт ба даст меоварданд.Аз рӯи ин қазия парвандаи ҷиноӣ кушода, тафтишот идома дорад.