Ҳаҷми истифодаи неруи барқ дар зимистону тобистон якхел аст

Сентябрь 5, 2014 10:46

Душанбе, 05.09.2014. (АМИТ «Ховар», Екатерина  Пасторова). – Мувофиқи  маълумоти  роҳбари шабакаҳои барқи   ноҳияи  Фирдавсии  пойтахт  Саид  Кишваров, алҳол теъдоди  истифодабарандагони   неруи барқи   ноҳияи  мазкур  ба  48  ҳазор  нафар  расидааст, ҳол  он  ки соли  2008  шумораи онҳо  32  ҳазор  нафарро ташкил  медод. 
«Баробари  афзудани  шумораи   сокинони  ноҳия   ҳаҷми  истифодаи  неруи  барқ  ҳам  зиёд  мешавад. Масалан,  тайи  6  моҳи  соли  равон  сокинони  ноҳия  50  миллиону  114  ҳазору 535  киловатт —  соат  неруи  барқро  истифода  намуданд», —  афзуд  Саид  Кишваров.
Ба  гуфтаи  мавсуф, сокинони  ноҳияи  Фирдавсии пойтахт ҳар  шабонарӯз  1,5  миллион  киловатт – соат  неруи  барқро  истифода  менамоянд, ки  ин  баробари  ҳаҷми  дар  зимистон  истифодашавандаи  қувваи  барқ  аст.

Сентябрь 5, 2014 10:46

Хабарҳои дигари ин бахш