Ҳоҷиён бо ширкатҳои ҳавопаймоии ватанӣ ба ҳаҷ мераванд

Душанбе, 10.09.2014 (АМИТ «Ховар»).- Аз сафорати Шоҳигарии Арабистони Саудӣ дар Душанбе иттилоъ доданд, ки ахиран мақомоти дахлдори Шоҳигарӣ барои интиқоли тамоми ҳоҷиёни Тоҷикистон ба Сарзамини муқаддас танҳо тавассути ширкатҳои ҳавопаймоии ватании “ТоҷикАйр” ва “СомонАйр” ба таври истисно иҷозат содир карданд.Ин иқдом ҳамчун рамзи муҳаббату дӯстии Арабистони Саудӣ нисбати миллату давлати тоҷикон, ки хушхабар барои ҳоҷиёну пайвандони онҳо ба ҳисоб меравад, ба туфайли саъю кӯшиш ва талошҳои пайгиронаи сафири Ходими Ҳарамайни шариф дар Ҷумҳурии Тоҷикистон доктор Бандар Муҳаммад Ҷамил муяссар гардид, дар ҳоле дигар кишварҳои ҷаҳон тибқи қоидаҳои хизматрасонӣ дар мавсими ҳаҷ барои интиқоли ҳоҷиён ба ҳамкорӣ байни ширкатҳои ватании ҳавопаймоии худ ва ширкатҳои ҳавопаймоии саудӣ мулзам карда шудаанд.