Ҷаласаҳои сайёри Ситоди «Кукнор-2014» дар Хатлон
Душанбе, 23.09.2014. (АМИТ «Ховар», Кристина Эрлих).- Дар бархе ноҳияҳои вилояти Хатлон ҷаласаҳои Ситоди байниноҳиявии амалиёти «Кукнор — 2014» доир гардиданд.
Дар маркази маъмурии ноҳияи Қубодиён ҷаласаи сайёри Ситоди байниноҳиявии «Кукнор-2014» баргузор шуд, ки дар кори он муовинони раисони ноҳияҳои Ҷиликӯл, Қубодиён, Шаҳритӯс ва Носири Хусрави вилояти Хатлон ширкат доштанд.
Ҳамчунин дар шаҳри Норак ҷаласаи сайёри Ситоди зудамал баргузор гардид, ки дар кори он муовинони раисони ноҳияҳои Ёвон, Абдураҳмони Ҷомӣ ва Хуросон иштирок намуданд.
Дар ноҳияи Қумсангир ҷаласаи Ситоди мазкур бо иштироки намояндагони ҳокимияти маҳаллии ноҳияҳои Панҷ, Қумсангир ва Ҷалолиддини Румӣ баргузор гардид.
Дар ҷаласаҳо сардори Раёсати Агентии назорати маводи нашъаовари назди Президенти ҶТ дар вилояти Хатлон полковник М. Хайруллозода зимни суханрониаш иброз дошт, ки дар ноҳияҳои ҳамсарҳади Афғонистон якчанд ҷинояткориҳои марбут ба гардиши ғайриқонунии маводи мухаддир ба қайд гирифта шуданд. Мавсуф зикр намуд, ки муборизаи зидди маводи мухаддир вазифаи на фақат мақомоти ҳифзи ҳуқуқ, балки вазифаи ҳамаи аҳли ҷамъият аст.
Дар ҷаласаҳо масоили ҳамоҳангсозии фаъолияти мақомоти ҳифзи ҳуқуқ ва сохторҳои қудратии вилоят оид ба иҷрои дастурҳои Дастгоҳи иҷроияи Президенти Ҷумҳурии Тоҷикистон ва Дурнамои ташкилу роҳандозии амалиёти «Кукнор-2014», нуқсонҳои ин кор ва рафъи онҳо, ҳамчунин вусъат бахшидани кор ҷиҳати ҷилавгирии нашъамандӣ ва ҷинояткорӣ дар вилоят баррасӣ шуданд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
