Ҷавонон-ободгари диёр

Душанбе, 3.09.2014. (АМИТ “Ховар”, Ситораи Боймурод).- Бо ташаббуси бахши ҷавонон, варзиш ва сайёҳии шаҳри Хуҷанд бахшида ба 20 — солагии қабули Сарқонуни Ҷумҳурии Тоҷикистон бо иштироки ҷавонони фаъол — варзишгарони шаҳри Хуҷанд ҳашари ободонӣ доир гардид.Дар обод гардондани толори варзишӣ, ки дар маҳаллаи «Мевағул» воқеъ аст, зиёда аз 150 нафар ҷавону наврас ширкат намуда, кӯчаю гулгашт ва роҳравҳои ин маҳалларо аз партов ва алафҳои бегона тоза намуданд.Чорабинии мазкур дар доираи амалиёти ҷумҳуриявии «100 рӯзи ободонӣ» таҳти унвони « Мо ҷавонон ин ватанро сабзу хуррам мекунем» доир гардид.