30 млн. $ сармоягузории «China Gold» ба иқтисодиёти Тоҷикистон
Душанбе, 15.09.2014. (АМИТ «Ховар», Бекназари Абӯбакр). — Шоми 13 сентябр дар шаҳри Душанбе маросими имзои Созишномаи қолабӣ оид ба ҳамкорӣ байни Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Корпоратсияи «China Gold» доир гардид.
Созишномаи қолабӣ оид ба ҳамкориро раиси Кумитаи давлатии сармоягузорӣ ва идораи амволи давлатии Ҷумҳурии Тоҷиксон Қодири Қосим ва муовини директори генералии Корпоратсияи «China Gold» Сун Лиэнжонг ба имзо расониданд.
Раиси Кумитаи давлатии сармоягузорӣ ва идораи амволи давлатӣ Қодири Қосим пас аз имзои созишнома зикр намуд, ки туфайли саъю кӯшишҳо ва азму иродаи сиёсии сарварони давлатҳоямон — Президенти Ҷумҳурии Тоҷикистон Эмомалӣ Раҳмон ва Раиси Ҷумҳурии Мардумии Чин Си Ҷинпин муносибатҳои Тоҷикистону Чин пайваста таҳким меёбанд ва ҳамкориҳои гуногунҷабҳа дар соҳаҳои мухталифи иқтисодиёт тамоюли рушду густариши доимӣ доранд. Барои рушди минбаъдаи ин робитаҳо имкониятҳои иловагӣ мавҷуданд. Дар айни ҳол сармоягузорӣ аз ҷониби Ҷумҳурии Мардумии Чин ба соҳаҳаҳои мухталифи иқтисодиёти Тоҷикистон, ки он барои ҳарду тараф бисёр ҳам муфид аст, пайваста ривоҷ меёбад.
Лозим ба зикр аст, ки Корпоратсияи «China Gold» бузургтарин ташкилоти давлатӣ дар соҳаи истихроҷ ва коркарди тилло дар Ҷумҳурии Мардумии Чин ба ҳисоб рафта, дар асоси фазои мусоиди сармоягузории кишвар тасмим гирифтааст, ки дар Ҷумҳурии Тоҷикистон дар соҳаи қаъри замин, коркарди маъданҳои кўҳӣ ва саноат сармоягузорӣ намояд.
Дар марҳилаи аввали ҳамкорӣ ташкилоти мазкур ҳавасмандии худро оид ба ворид намудани 30 миллион доллари ИМА сармояи мустақим барои сохтмони Корхонаи муштараки Тоҷикистону Чин оид ба истеҳсоли маводҳои тарканда дар минтақаи ҷануби Ҷумҳурии Тоҷикистон изҳор намудааст.
Татбиқи созишномаи мазкур баҳри ташкили ҷойҳои нави корӣ, баланд бардоштани иқтидори истеҳсолӣ ва содиротии кишвар, ҷалби сармоягузории мустақими хориҷӣ, техника ва технологияи ҷадид ба иқтисодиёти кишвар мусоидат хоҳад кард
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
