3000 шаҳрванди Тоҷикистон соҳиби ҷои кор мегардад
Душанбе, 15.09.2014.(АМИТ «Ховар», Марзия Саидзода).- Дар ҷараёни сохтмони қитъаи тоҷикистонии лӯлаи гази «Осиёи Марказӣ -Чин», ки муддати се сол идома меёбад, се ҳазор нафар шаҳрванди кишварамон бо ҷои кор таъмин мегардад.
Бояд тазаккур дод, ки маросими оғози сохтмони қитъаи лӯлаи гази «Осиёи Марказӣ -Чин» зимни сафари давлатии Раиси Ҷумҳурии Мардумии Чин Си Ҷипин ба Чумҳурии Тоҷикистон дар ҷамоати Чоргултеппаи ноҳияи Рӯдакӣ бо иштироки сарони кишварҳои Тоҷикистону Чин Эмомалӣ Раҳмон ва Си Ҷинпин доир гардид.
Қитъаи тоҷикистонии лӯлаи газ аз Туркманистон ба Чин, ки тавассути қаламрави Ӯзбекистон ва Тоҷикистону Қирғизистон мегузарад, беш аз 400 километрро ташкил дода, аз ҳама тӯлонӣ аст. Тибқи ҳисобҳои пешакӣ, арзиши лоиҳаи сохтмони лӯлаи гази «Осиёи Марказӣ-Чин» дар ҳудуди Тоҷикистон дар маҷмӯъ 3 миллиарду 200 миллион долларро ташкил хоҳад дод. Сохтмони лӯлаи интиқоли гази «Осиёи Марказӣ -Чин» дар маҷмӯи лӯлаҳои гази «Осиёи Марказӣ — Чин» хатти чорум ва кӯтоҳтарин буда, дар муқоиса бо се хатти дигар ба масофаи ҳазор километр кӯтоҳтар аст. Дар ҷараёни сохтмони лӯлаи интиқоли гази Осиёи Марказӣ ба Чин дар қитъаи дар қаламрави Тоҷикистон будаи он 47 нақб ба масофаи умумии 76 километр ба нақша гирифта шудааст, ки 24 нақб дар зери об сохта мешавад.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






