442 нафар донишҷӯ кумакпулӣ мегирад

Душанбе, 06.09.2014.(АМИТ «Ховар», Раъно Нусратуллозода).-Бахшида ба 23-солагии Истиқлолияти давлатии Ҷумҳурии Тоҷикистон, инчунин бо ҳадафи дастгирии донишҷӯёни ятиму бепарастор ва маъюбу камбизоат ба 442 нафар донишҷӯи Донишгоҳи давлатии Хуҷанд ба номи академик Бобоҷон Ғафуров кумакпулии яквақта дар ҳаҷми 97 сомонӣ дода мешавад.Тавре ки сардори Маркази иттилоот ва таҳлили Раёсати донишгоҳ Маъмури Юсуфзод иттилоъ дод, ин гурӯҳ донишҷӯён дар асоси ҳуҷҷатҳои тасдиқгардида, аз тарафаи Кумитаи муттаҳидаи иттифоқи касабаи донишгоҳ муайян шуда, маблағҳо бевосита ба суратҳисоби онҳо интиқол дода мешавад. Гуфта мешавад, ки маблағи умумии ин кумакпулӣ наздики 50 ҳазор сомониро ташкил медиҳад. Ин таваҷҷуҳ ба гурӯҳи ятимону камбизоат дар соли таҳсили 2014-2015 бори аввал буда, ду сол инҷониб ба ҳукми анъана даромадааст ва танҳо дар соли хониши 2013-2014 ба ин табақа беш аз 212 ҳазор сомонӣ маблағи пулӣ аз тарафи Раёсати донишгоҳ расонида шудааст.