Афзоиши муроҷиати шаҳрвандон ба Раёсати Хадамоти муҳоҷират

Душанбе, 11.09.2014. (АМИТ «Ховар», Лайло Тоирӣ).-Аз 2-юми январ то 3-юми сентябри соли 2014- 13 ҳазору 789 нафар барои гирифтани маълумот дар бораи мавзўъҳои муҳоҷирати меҳнатӣ ва қонунгузории давлатҳои қабулкунанда ба Раёсати Хадамоти муҳоҷират дар шаҳри Душанбе муроҷиат намуд.
Имрўзҳо муроҷиати шаҳрвандон аз минтақаҳои гуногуни кишвар, аз ҷумла вилоятҳои Суғду Хатлон ва ВМКБ, ноҳияҳои тобеи ҷумҳурӣ ба хадамот рўз то рўз зиёд мегардад, ки  ин шаҳодати кумаку дастгирӣ ва маслиҳатҳои муфиди кормандони ин ниҳод мебошад.
Аз тарафи кормандони Раёсат ба шаҳрвандон маслиҳатҳои ҳуқуқӣ дода шуда, китобчаҳо ва буклетҳо ба миқдори 38381 адад оид ба навоварӣ дар қонунгузории муҳоҷирати Федератсияи Русия тақсим  шуданд.
Дар ин бора ба АМИТ «Ховар» аз шуъбаи муносибатҳои байналмилалӣ, робита бо ҷомеа ва ҳамватанони бурунмарзии хадамот хабар доданд.