Аттестатфурӯш дастгир шуд
Душанбе, 02.09.2014. (АМИТ «Ховар», Муқаддас Темурзода).-Агентии назорати давлатии молиявӣ ва мубориза бо коррупсияи Ҷумҳурии Тоҷикистон нисбат ба муовини директори муассисаи таҳсилоти миёнаи умумии №17-и ноҳияи Фирдавсии пойтахт Ойшамо Шодавлатова бо моддаи 324 қисми 1 Кодекси Ҷиноятии Ҷумҳурии Тоҷикистон парвандаи ҷиноятӣ оғоз намуд.Тавре ки агентии мазкур иттилоъ медиҳад, номбурда ба фурӯши аттестати синфҳои 11 машғул буда, барои тайёр намудани аттестати маълумоти миёнаи пурра ба писари шаҳрванд Саломов бо роҳи тамаъҷӯӣ аз ӯ маблағи 750 доллари амрикоӣ талаб намудааст.Тибқи иттилои сарчашма О. Шодавлатова ҳангоми гирифтани маблағи мазкур дастгир гардидааст.