Бозомўзӣ бо мақсади боло бардоштани таҷрибаи тахассусӣ
Душанбе, 17.09.2014. (АМИТ “Ховар”, Назири Назир).-Кумитаи ҳифзи муҳити зисти назди Ҳукумати Ҷумҳурии Тоҷикистон тибқи нақша бозомўзии кормандонро ташкил намуд. Бозомўзиҳо дар дастгоҳи марказии кумита ҳафтае як маротиба гузаронида шуда, мақсади баргузории онҳо- боло бардоштани таҷрибаи тахассусӣ, ҳуқуқӣ, коргузорӣ ва дигар паҳлўҳои ташаккули касбии кормандон, аз ҷумла ҷавонон мебошад.
Имрўз, 17-уми сентябр дар мавзўи моҳияту мундариҷаи асосии Қонуни Ҷумҳурии Тоҷикистон «Дар бораи хизмати давлатӣ» машғулияти аввалин бо истифода аз воситаҳои аёнӣ ва тарзи содаи фаҳмондадиҳӣ баргузор гардида, иштирокдорон ба суолҳои худ посухҳои мушаххас гирифтанд.