Чкалов: ҷамъбасти озмуни «Атлас ва адраси Хуҷанд-2014»
Душанбе, 24.09.2014. (АМИТ «Ховар», Зарангези Латиф).-Дирӯз дар чойхонаи “Роҳат”-и шаҳри Чкалов бо иштироки роҳбарияти шаҳри Чкалов ва мудири шуъбаи кор бо занон ва оилаи мақомоти иҷроияи ҳокимияти давлатии вилояти Суғд — Мунаввара Дадобоева иди “Атлас ва адраси Хуҷанд-2014” баргузор шуд. Дар он меҳмонон аз ҳунарҳои дастии занону духтарони шаҳр, ки дар саҳни чойхона ба маърази намоиш гузошта шуда буд, дидан намуданд. Гуфта мешавад, ки қолинҳои дастибоф, либосҳои хушдӯхт, зардӯзӣ ва дигар маҳсулотҳои дастранҷи занони ҳунарманди шаҳр дар растаҳо таваҷҷуҳи меҳмононро ба худ ҷалб намуданд.
Раиси шаҳри Чкалов Рухсора Давлатзода гуфт, ки муҳимтарин ҳадафи иқтисодии давлат дар даврони Истиқлолият беҳдошти сатҳи зиндагии мардум, ҳифзи иҷтимоии табақаҳои ниёзманди аҳолӣ мебошад.
Ҳамзамон зикр шуд, ки бо дастгирии мақомоти иҷроияи ҳокимияти давлатии шаҳр, дар шаҳри Чкалов дар хонаи хизмати маишии “Элегант” сехи қолинбофӣ, дӯзандагиву заргарӣ ва дар назди қаҳвахонаи “Амирҷон” сехи гобилембофӣ ташкил шудааст.
Сипас озмуни “Атлас ва адраси Хуҷанд-2014” аз рӯи се шарт, намоиши либосҳои кӯдакона, рӯзмарра ва идона гузаронида шуд, ки дар он 45 нафар бо либоси хушдӯхти аз матои атлас ва адрас дӯхташуда ширкат варзиданд. Дар асоси хулосаи ҳайати ҳакамон ба ғолибон ва иштирокчиёни озмун туҳфаҳои хотиравӣ ва шоҳҷоиза тақдим шуданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






