Дар «Аржанг»-и «Кохи Наврӯз» Саммити сарони СҲШ оғоз меёбад
Душанбе, 12.09.2014.(АМИТ «Ховар», Марзия Саидзода).- Имрӯз, 12 сентябри соли 2014 дар толори «Аржанг»-и «Кохи Наврӯз»-и Душанбе-пойтахти Ҷумҳурии Тоҷикистон Саммити сарони кишварҳои аъзои Созмони ҳамкории Шанхай оғоз меёбад.
Ҷиҳати иштирок дар ин ҳамоиши бузург сарони кишварҳои аъзои ин созмони муътабар -Чин- Си Ҷинпин, Русия -Владимир Путин, Қазоқистон Нурсултон Назарбоев, Ӯзбекистон -Ислом Каримов, Қирғизистон -Алмазбек Отамбоев, инчунин роҳбарони кишварҳои нозир, назири Афғонистон -Ҳомид Карзай, Эрон- Ҳасани Рӯҳонӣ, Муғулистон Тсахиагийн Элбегдорж, инчунин мушовири Сарвазири Покистон оид ба масоили амнияти миллӣ ва сиёсати хориҷӣ Сартоҷ Азиз ва вазири корҳои хориҷии Ҳиндустон Сушма Свараҷ ба Душанбе омадаанд.
Сарони кишварҳои Созмони ҳамкории Шанхай қабл аз оғози Саммит дар толори «Дидор»-и «Кохи Наврӯз» аксбардорӣ намуда, баъдан ҷаласаи Шӯрои Сарони давлатҳои аъзои Созмони ҳамкории Шанхай дар толори «Аржанг»-и кохи мазкур шурӯъ мегардад.
Бояд тазаккур дод, ки алҳол дар қаламрави кишварҳои аъзои Созмони ҳамкории Шанхай 1 миллиарду 455 миллион ё чоряки аҳолии ҷаҳон сукунат дошт, ҳудуди кишварҳои ин созмони бонуфуз 30 миллион километри мураббаъ ё 60 дарсади қаламрави АвруОсиёро дар бар мегирад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
