Дидори Сафири Тоҷикистон бо Шайхи Азҳари Шариф
Душанбе, 24.09.2014. (АМИТ “Ховар”).-23 сентябри соли 2014 Имоми Акбар ва Шайхи Азҳари Шариф доктор Аҳмад Тайиб Сафири Ҷумҳурии Тоҷикистон дар Ҷумҳурии Арабии Миср Хусрав Нозириро дар қароргоҳи худ дар Қоҳира ба ҳузур пазируфт. Дар мулоқоти мазкур, ки дар он инчунин Вазири авқофи Миср ҳузур дошт, дурнамои ҳамкорӣ байни Тоҷикистон ва Азҳари Шариф баррасӣ гардид.
Шайхи Азҳар аз ибтикори Президенти Ҷумҳурии Тоҷикистон Эмомалӣ Раҳмон роҷеъ ба бузургдошти Имоми Аъзам Абу Ҳанифа ёдовар шуда, нақши он ибтикорро дар тарғиби арзишҳои ростини дини мубини Ислом, ки хушунату тундгароиро намепазирад, сутуд.
Шайхи Азҳар барои тақдими китоби Эмомалӣ Раҳмон “Тоҷикон дар ойинаи таърих”, ки дар Миср дар чаҳор ҷилд ба забони арабӣ чоп шудааст, изҳори сипос намуд. Ҷилди чаҳоруми китоби мазкур ба давраи исломии таърихи тоҷикон рабт дорад.
Дар ин бора аз Сафорати Ҷумҳурии Тоҷикистон дар Қоҳира хабар доданд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
