Э. Раҳмон: «Аз болоравии нарх ва рақобати носолим ҷилавгирӣ кунед»
Душанбе, 5.09.2014.(АМИТ «Ховар», Марзия Саидзода).- Президенти Ҷумҳурии Тоҷикистон Эмомалӣ Раҳмон дар ҷараёни суханронӣ дар расми ифтитоҳи Маҷмааи тиҷоратии «Пойтахт-90» шаҳрдории Душанберо муваззаф намудааст, ки бо назардошти хусусиятҳои хоси пойтахт ҷиҳати ҷилавгирӣ аз болоравии беасоси нарх, рақобати носолим ва бартарафсозии омилҳои монополия ба баъзе намудҳои маҳсулот тадбирҳои зарурӣ андешад.
Дар ин масъала Сарвари давлат ба шаҳрдории Душанбе дастур дод, ки раванди ташкили захираи маҳсулоти озуқа ва ба танзим даровардани нархи маҳсулоти хӯрокиро таҳти назорати доимии сохтору мақомоти марбута, хусусан шаҳрдории Душанбе қарор диҳад.
Бояд тазаккур дод, ки маҷмааи мусоири тиҷоратӣ, ки ба ифтихори ҷашни 90-солагии Душанбе унвони «Пойтахт-90»-ро гирифтааст, аз бузургтарин марказҳои замонавии савдо дар Душанбе буда, аз се ошёна иборат аст. Ҳамзамон он дорои фурӯшгоҳи тобистона ва нуқтаҳои хизматрасонӣ- 82 мағоза, тарабхона, ошхонаву қаҳвахона, толори маҷлисгоҳ, сардхонаву бағоҷхона, озмоишгоҳ ва истгоҳ барои воситаҳои нақлиёт аст. Маҷмааи мазкур дар тӯли қариб ду сол аз ҷониби ширкати сохтмонии «Строй-комплекс» сохта шудааст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






