«Фурӯғ» ба фаъолият пардохт
Душанбе, 1.09.2014. (АМИТ «Ховар», Мавҷуда Анварӣ).- Имрӯз раиси вилояти Суғд Абдураҳмон Қодирӣ дар маросими фаъолсозии студияи таълимии телевизионии «Фурӯғ» — и назди кафедраи журналистика ва назарияи тарҷумаи Донишгоҳи давлатии Хуҷанд ба номи академик Бобоҷон Ғафуров иштирок намуд.
Абдураҳмон Қодирӣ бо пахши тугмаи рамзӣ ба фаъолияти студияи телевизионӣ ҳусни оғоз бахшида, дар хитоб ба донишҷӯён таъкид намуд, ки барои баланд бардоштани малакаи касбӣ аз васоити техникии муосир самаранок истифода баранд.
Студияи телевизионӣ бо маблағи наздик ба 60 ҳазор сомонӣ таъсис ёфта, он пурра бо таҷҳизоти замонавӣ муҷаҳҳаз аст.
Сипас раиси вилоят дар бинои асосии Донишгоҳи давлатии Хуҷанд донишҷӯёну устодонро бо фарорасии Рӯзи дониш табрик гуфта, изҳор дошт, ки Донишгоҳи давлатии Хуҷанд аз бонуфузтарин боргоҳи таълимии вилоят маҳсуб ёфта, шумораи донишҷӯёни он аз 26 нафари соли 1932 ба 13 000 нафар расидааст. Танҳо дар соли хониши 2013 -2014 ин донишгоҳро 513 нафар бо ихтисосҳои гуногун хатм карда, дар пешбурди хоҷагии халқ нақши назарраси худро мегузоранд.
Имсол аз тариқи низоми тестӣ наздик ба 2500 нафар ба донишгоҳ дохил шудаанд, ки аз ин 1156 нафар аз тариқи буҷет ва 1317 нафар шартномавӣ таҳсил хоҳанд кард. Ҳамзамон таъкид шуд, ки имсол маоши устодон 20 фоиз афзун гардидааст.
Раиси вилоят дар баробари пешравиҳои назаррас ҳамчунин аз камбудиҳо низ ёдовар шуд. Аз ҷумла, зикр гардид, ки норасоии кадрҳои ҷавон дар муассисаҳои таҳсилоти умумӣ дар баъзе аз шаҳру навоҳӣ масъулинро водор мекунад, то бо муассисаҳои таҳсилоти умумӣ ҳамкории самарабахшро ба роҳ монанд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






