Ифтитоҳи бахши Хадамоти муҳоҷират дар ноҳияи Панҷ

Душанбе, 25.09.2014. (АМИТ «Ховар», Лайло Тоирӣ).- Дар  ҷамоати деҳоти Кабут Сайфуддинови ноҳияи Панҷ бо иштироки раиси ин ҷамоат, раисони маҳалла, директорони мактабҳо, табибон, омўзгорон, фаъолони маҳалла ва муҳоҷирони меҳнатӣ мулоқоти ошкоро доир гардид.
Раиси  ҷамоат Саидҷаъфар Гурезов ташкили бахши Хадамоти муҳоҷират дар ноҳияи Панҷро иқдоми саривақтӣ барои мардуми ноҳия номид.
Сардори  бахши Хадамоти муҳоҷират дар ноҳияи Панҷ Сиҷоуддин Саидов доир ба навовариҳо дар қонунгузории Федератсияи Русия дар самти муҳоҷирати меҳнатӣ, тарзи дуруст пур кардани варақаҳои муҳоҷиратӣ, гирифтани сертификат, донистани забони русӣ ва дигар мавзӯъҳои вобаста ба муҳоҷират  маълумот дод. 
Акнун сокинони ин ноҳия имкон пайдо намуданд, ки пеш аз сафар ба бахши хадамоти ноҳияи худ  муроҷиат намуда, оид ба масъалаҳои  дахлдор маълумот гиранд.