Ифтитохи коллеҷи техникӣ — технологӣ

Сентябрь 15, 2014 10:57

Душанбе, 15.09.2014. (АМИТ «Ховар», Лайло Тоирӣ).-Дар назди  Ташкилоти ҷамъиятии мададгори мудофиаи ҷумҳурӣ нахустин коллеҷи техникӣ — технологӣ таъсис дода шуд. Бартарияти  коллеҷи техникӣ — технологӣ дар он аст, ки он мутахассисони барои бозори меҳнат заруриро омода мекунад. Аз ҷумла, аз рўи ихтисосҳои хизматрасонии техникӣ ва таъмири муҳаррикҳои дарунсўз, ташкили ҳамлу нақл ва идораи нақлиёти автомобилӣ, таъминоти барномавии коркарди маълумоти иқтисодӣ ва иттилооти корӣ, ташхис ва назорати муҳосибӣ ва омўзгори дифои ҳарбӣ, ки имрўз ба ин ихтисосҳо хоҷагии халқи ҷумҳурӣ эҳтиёҷ дорад, мутахассис тайёр карда мешавад..
Хусусан ихтисоси омўзгори фанни “Омодагии дифои ҳарбӣ”, ки барои мактабҳои таҳсилоти миёнаи умумӣ зарур мебошад. 
Қобили зикр аст, ки тўли  ду  сол  мешавад, ки роҳбарияти Ташкилоти ҷамъиятии мададгори мудофиаи Ҷумҳурии Тоҷикистон  иқдоми ватандўстонаеро дар асоси дастуру супоришҳои Ҳукумати мамлакат барои таҷҳизонидани синфхонаҳои «Омодагии дифои ҳарбӣ»  дар мактабҳои таҳсилоти миёнаи умумии кишвар  пеш гирифтааст. 
Дар ин доира бо маблағгузории ташкилот синфхонаҳои  «Омодагии дифои ҳарбӣ»   бо гўшаву овезаҳои иттилоотӣ ва тарғиботӣ роҷеъ ба муқаррароти адои хизмати ҳарбӣ, қонунгузории соҳаи мудофиа, сохтор ва идораи Қувваҳои Мусаллаҳ, тартиби адои хизмати ҳарбӣ, тавсифномаи силоҳу лавозимоти низомӣ таъмин мешаванд.
Яке аз ҳадафҳои дигари таъсиси коллеҷ  дар сохтори ташкилот, ки тамоюли техникӣ дорад, ин бо  асосҳои аввалияи техника ва воситаҳои нақлиёти гуногунтамға ошно намудани наврасону ҷавонон, дар вуҷуди онҳо бедор намудани шуълаи майлу рағбат нисбат ба олами пурғановати техникист, ки муҳаррики рушди бомайлони иқтисоди ҳамаи кишварҳои  мутараққӣ ба шумор меравад. 
 
 

Сентябрь 15, 2014 10:57

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид