Курси омӯзишӣ барои безараргардонии асбобҳои тарканда

Душанбе, 29.09.2014. (АМИТ «Ховар», Кристина  Эрлих). – Чанде  пеш  дар  шаҳри  Душанбе  курси  даҳрӯзаи   омӯзишии   минтақавӣ  барои  безараргардонии  асбобҳои тарканда  анҷом  ёфт. Дар  ин  бора  аз  дафтари   Созмони  амнияту  ҳамкорӣ дар  Аврупо  дар  Тоҷикистон  ба  АМИТ «Ховар»  хабар  доданд. 
Дар  чорабинии  мазкур, ки бо  ибтикори  дафтари  САҲА  дар  Тоҷикистон  роҳандозӣ  шуда буд, 20  нафар   омӯзандагони Тоҷикистону  Афғонистон  иштирок  доштанд. 
Ёдовар  мешавем, ки  омӯзандагони  курси омӯзишӣ  баъди  анҷоми  барнома шаҳодатномаҳои  махсус  ба даст  меоранд.
Созмони  амнияту  ҳамкорӣ дар  Аврупо  сар  аз  соли  2009  барои  тарҳрезии  усулҳои  ҳамкории  байни  давлатҳои Осиёи  Марказӣ  ва  Афғонистон ҷиҳати  ҳалли  масоили  марбут ба  асбобҳои тарканда  ёрии  техникӣ  мерасонад.