Муҳимтарин ахбори олам

       Душанбе,03.09.2014. (АМИТ «Ховар», Иброҳими Ҳабибуллоҳ),-Мувофиқи иттилои шабакаи интернетии Би-Би-Си ҳафтаи гузашта кормандони мақомоти қудратии Арабистони Саудӣ  88 нафар терористро боздошт карданд, ки қасд доштани  ҳамлаҳо дар дохил ва хориҷи кишвар тарҳрезӣ намоянд. 
 
   Душанбе, 03.09.2014. (АМИТ «Ховар»,)- Рӯзи 2-юми сентябр гурӯҳи «Давлати Исломӣ» видеоеро нашр кард, ки зоҳиран сар буридани Стивен Сотлоф, як хабарнигори дигари амрикоиро нишон медод. Гуфта мешавад, ки дар ин навор онҳо ба кишварҳои ҷаҳон ҳушдор медиҳанд, ки дар ҷанги Амрико алайҳи «Давлати Исломӣ» ҳамроҳ нашаванд.
 
Душанбе,03.09.2014. (АМИТ «Ховар»,)- Президенти Ҷумҳурии Амрико Барак Обама дар мулоқот бо Президенти Ҷумҳурии Эстония Томас Ҳендрик Илвес итминон  додааст, ки кишвараш ба аҳди ногусастаниаш барои кумак дар таъмини амнияти кишварҳои соҳили Балтик ва ҳар узви дигари НАТО содиқ аст. 
 
  Душанбе,03.09.2014. (АМИТ «Ховар»,)- Тӯли чанд рӯз аст, ки хадамоти  амнияти миллии Қазоқистон ба таҳқиқи қазия ва ҷустуҷӯи  зарфи маводи радиоактиви сезий 137-и хатарнок шурӯъ кардааст.Бояд гуфт, ки  ин маводи заҳрогинро ҳангоми интиқол бо мошини боркаш рӯзи 27-уми август гум  кардаанд. 
 
 
Душанбе,03.09.2014. (АМИТ «Ховар»,)- Ҳафтаи гузашта дар даргириҳо миёни неруҳои пулис ва тазоҳургарон дар шаҳри Исломобод — пойтахти Покистон 3 нафар ба қатл расида, чанд тани дигар  маҷруҳ шуд. Хабарнигорони дохили кишвар мегӯянд, ки сабаби даргириҳо ва тазоҳурот дар он аст, ки сарвазири кишвар  Навоз Шариф ба истеъфо равад. Мақомот шумораи захмиёнро беш аз 400 тан меҳисобанд.