Муҳокимаи масоили шаҳрсозӣ

Душанбе, 29.09.2014. (АМИТ «Ховар»,  Мурод  Сотиев). – Рӯзи  ҷумъаи  гузашта дар  шаҳри  Қӯрғонтеппа иҷлосияи Маҷлиси   намояндагони  халқи  вилояти  Хатлон  баргузор  гардид. 
Вакилон  масъалаи   риояи  Кодекси   шаҳрсозии  Ҷумҳурии  Тоҷикистон  дар  шаҳру  ноҳияҳои  вилояти  Хатлонро  муҳокима  намуданд.  Ҳамчунин   ҳисоботи  сардори раёсати Агентии  меҳнат ва  шуғли  аҳолии  вилоят  дар  бораи ҷараёни  иҷрои қарори раиси вилояти  Хатлон  аз  19  октябри  соли  2013,  №236 «Дар  бораи тасдиқи  барномаи  мусоидат  ба  шуғли  аҳолии  вилояти  Хатлон  барои  солҳои 2014 – 2015»   шунида  шуд. 
Аз  рӯи  ҳамаи  масъалаҳои  муҳокимашуда   қарорҳои  дахлдор  қабул  шуданд.