Намоиши номгӯйи зиёди китобҳо дар Лоҳутӣ
Душанбе, 20.09.2014. (АМИТ «Ховар», Мавҷуда Анварӣ).- Дар Китобхонаи марказии ба номи Абулқосим Лоҳутии шаҳри Душанбе намоиши китобҳои тозанашр хотирмон гузашт. Бахшида ба Рӯзи дониш, Рӯзи китоб, 90 — солагии шаҳри Душанбе, 600 — солагии Мавлоно Абдураҳмони Ҷомӣ, 23 — юмин солгарди Истиқлолияти давлатии Тоҷикистон ва 20 — солагии Конститутсия (Сарқонун)-и кишвар номгӯйи зиёди китобҳо ба намоиш гузошта шуданд. Дар чорабинии фарҳангӣ хонандагони мактаби таҳсилоти миёнаи рақами 49-и ноҳияи Фирдасӣ фаъолона иштирок намуданд. Китобҳо таҳти унвонҳои «Истиқлолият — дастоварди беназири миллӣ», «Сарқонун — рисолаи тақдири кишвар», «Пойтахтам — тоҷу тахтам», «Салом мактаб», «Абдураҳмони Ҷомӣ — адиб, шоир ва донишманди бузург» ба намоиш гузошта шуданд