Нашри маҷаллаҳои махсус дар арафаи ҷаласаи Шӯрои сарони давлатҳои аъзои СҲШ
Душанбе, 11.09.2014. (АМИТ «Ховар»). — Дар арафаи ҷаласаи Шӯрои сарони давлатҳои аъзои Созмони ҳамкории Шанхай Вазорати корҳои хориҷӣ нашри махсуси маҷаллаи “Сиёсати хориҷӣ” /[attachment=24]/ ва маҷаллаи “Шанхайская организация сотрудничества: взгляд из Душанбе”-ро /[attachment=25]/ ба чоп расонд. Маҷаллаҳои мазкур ба соли раисии Тоҷикистон дар СҲШ бахшида шудаанд.
Дар нашри навбатии маҷаллаи “Сиёсати хориҷӣ” мақолаҳо оид ба фаъолият ва ҳамкориҳо дар доираи СҲШ бо забонҳои тоҷикӣ, русӣ ва англисӣ ҷамъ оварда шудаанд. Муаллифони мақолаҳо сиёсатмадорон, дипломатҳо ва ходимони ҷамъиятии шинохтаи ҷаҳон мебошанд. Инчунин дар маҷалла ҳуҷҷатҳои таърихии СҲШ ва аксҳоро аз рафти чорабиниҳои Созмон дар сатҳои гуногун дарёфт карда метовон.
Маҷаллаи “Шанхайская организация сотрудничества: взгляд из Душанбе” бо забонҳои русӣ, англисӣ ва хитоӣ чоп шуда, дар он ҳамкорӣ дар соҳаҳои иқтисодӣ, гуманитарӣ ва таъмини амнияти минтақавӣ, инчунин ҳолат ва дурнамои Созмони ҳамкории Шанхай шарҳ дода шудаанд. Маҷалла зери назари Вазири корҳои хориҷии Ҷумҳурии Тоҷикистон ба табъ расид.
Ҳамзамон Вазорати корҳои хориҷӣ барои омода намудани нашрҳои махсуси рӯзномаи “Аргументы и факты» ва маҷаллаи иттилоотӣ-таҳлилии «ИнфоШОС», ки ба Тоҷикистон ва СҲШ бахшида шудаанд, саҳми худро гузоштааст.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
