Неъматулло Эмомзода ба Ҳасан Рӯҳонӣ эътимоднома супорид
Душанбе, 3.09.2014 (АМИТ «Ховар», Пайрави Қосим ).- 2 сентябри соли 2014 маросими супоридани Эътимодномаи Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Неъматулло Эмомзода ба Президенти Ҷумҳурии Исломии Эрон Ҳасан Рӯҳонӣ баргузор гардид.Пас аз маросими супоридани Эътимоднома суҳбати Президенти Эрон бо Сафири нави Тоҷикистон доир гардид, ки зимни он дуруду таманниёти неки Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Исломии Эрон Ҳасан Рӯҳонӣ расонида шуд.Дар мулоқот Президенти Эрон зикр кард, ки барои беҳтар шудани ҳамкориҳои мутақобилан судманди дуҷониба имкониятҳои зиёде вуҷуд доранд. Аз ҷумла, рушди соҳаи сайёҳӣ, таҳсили донишҷӯён дар кишварҳои ҳамдигар ва истифодаи зарфияти имкониятҳои мавҷударо таъкид кард.Ҳамзамон аз муносибатҳои неку дӯстонаи таърихӣ ва фарҳангии дуҷониба ёдовар шуда, зикр намуд, ки Тоҷикистон барои Эрон шарики муҳим дар минтақаи Осиёи Марказӣ мебошад.Сафири Тоҷикистон фароҳам кардани заминаҳои густариши равобити дуҷониба, махсусан дар заминаи иқтисодиро вазифаи худ дониста, зикр кард, ки сафари расмии Президенти Эрон ба Тоҷикистон ва иштироки ӯ дар ҷаласаи сарони давлатҳои аъзои Созмони ҳамкории Шанхай боиси тавсеаи бештари муносибатҳои ду кишвари дӯсту бародар хоҳад шуд.
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
