Оқибатҳои нохуш аз садамаҳо

Сентябрь 13, 2014 09:00

Душанбе, 13.09.2014. (АМИТ «Ховар», Лайло Тоирӣ).-Дар миқёси ҷумҳурӣ 11 сентябр се садамаи нақлиётии марговар ба қайд гирифта шуд.Бино ба иттилои хадамоти матбуоти ВКД, ронандаи мошини тамғаи “Муссо” Фирӯз Мамадаминов, соли таваллудаш 1989, истиқоматкунандаи ноҳияи Рӯшон ҳангоми ҳаракат дар шоҳроҳи “Душанбе-Хоруғ-Қулма” аз уҳдаи идораи воситаи нақлиёт набаромада, ба дарёи Панҷ чаппа шудааст. Дар натиҷа худи ронанда ва мусофираш Рауф Мамадраҳимов, соли таваллудаш 1992, сокини ноҳияи Ванҷ дар дарё ғарқ шуда, ба ҳалокат расиданд. Барои дарёфт намудани ҷасади ронанда Ф. Мамадаминов корҳои ҷустуҷӯӣ идома доранд.Инчунин дар ин рӯз ронандаи мошини тамғаи “Мерседес-Бенс” Бобоалӣ Тулаков, соли таваллудаш 1989, истиқоматкунандаи ноҳияи Қубодиён ҳангоми ҳаракат аз самти деҳаи “Роҳи Нав” ба самти деҳаи С.Айнии ҳамин ноҳия бехатарии ҳаракати роҳро таъмин карда натавониста, пиёдагарди ноболиғ Туйчибек Болиев, соли таваллудаш 2005, сокини деҳаи Чкалови ноҳияи мазкурро пахш намуд. Дар натиҷа ноболиғ ҷароҳати вазнини ҷисмонӣ бардошта, дар ҷойи ҳодиса ба ҳалокат расид.Ронандаи мошини тамғаи “Дейво-Сиело” Барот Назирмадов, соли таваллудаш 1991, истиқоматкунандаи шаҳри Кӯлоб ҳангоми ҳаракат аз тарафи кӯчаи Хати Роҳ ба тарафи кӯчаи Корвонгузари Кӯлоб қоидаи ҳаракати роҳро риоя накарда, ба самти муқобили роҳ баромада, пиёдагард Неъмат Нурматов, соли таваллудаш 1950, сокини ҳамин шаҳрро пахш намудааст. Дар натиҷа пиёдагард ҷароҳати вазнини ҷисмонӣ бардошта, ҳангоми ба беморхона бурдан дар роҳ ба ҳалокат расид.

Сентябрь 13, 2014 09:00

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид