Омодагии ҷиддии Тоҷикистон ба Форуми байнипарлумонӣ
Душанбе, 19.09.2014.(АМИТ «Ховар», Марзия Саидзода).- Дар Душанбе таҳти раёсати раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев нахустин ҷаласаи Кумитаи тадорукоти Форуми чоруми байнипарлумонии «Русия -Тоҷикистон: неруи ҳамкории байниминтақавӣ» ва Конфронси сеюми ҳамкории иқтисодии байниминтақавии Тоҷикистон ва Русия, ки 22-25 октябри соли равон дар шаҳру вилояти Маскави Федератсияи Русия баргузор мегардад, доир шуд.
М. Убайдуллоев дар иртибот ба ин чорабиниҳо аз аъзои Кумитаи тадорукот даъват намуд, ки ҷиҳати дар сатҳи баланд гузаронидани ҳамоиш ва конфронси мазкур тадбирҳои мушаххас андешида, омодагии ҷиддӣ бинанд.
Вобаста ба мавзӯъҳои мизи мудаввар, ки дар доираи Форум баргузор мегарданд, раиси Маҷлиси миллӣ ба аъзои Кумитаи тадоркот дастур дод, ки воқеияти ҷараёни татбиқи созишномаву қарордодҳои мавҷудаи сатҳҳои гуногун таҳлил ва барои аз байн бурдани монеаҳои ҷойдошта таклифҳо омода созанд. Дар иртибот роҳбарони мизҳои мудаввар аз ҷониби Тоҷикистон мушаххас гардиданд. Қарор шуд, ки ҳар ҳафта таҳти раёсати раиси палатаи болоии Парлумони ҷумҳурӣ ҷаласаи Кумитаи тадорукот доир мегардад, ки дар он роҳбарони ва маърузачиёни чорабиниҳо ширкат хоҳанд кард.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
