Парвандаи ҷиноятӣ нисбат ба корманди милитсия
Душанбе, 02.09.2014. (АМИТ «Ховар», Муқаддас Темурзода).-Тавре ки Агентии назорати давлатии молиявӣ ва мубориза бо коррупсияи Ҷумҳурии Тоҷикистон иттилоъ медиҳад, дирӯз Ваколатдори калони гурӯҳи мубориза бар зидди гардиши ғайриқонунии маводи мухаддири шуъбаи ВКД-и шаҳри Норак Нуриддин Ҷӯраев бо роҳи тамаъҷӯӣ дастгир шуд.Тибқи маълумоти сарчашма шаҳрванд Икромов, сокини шаҳри Норак ба Раёсати агентӣ дар вилояти Хатлон бо ариза муроҷиат намуда, аз ҷумла дарҷ намудааст, ки номбурда бо сӯйистифода аз ваколатҳои мансабии худ барои ба қайд нагирифтан ва рӯйпӯш намудани ҷиноят оид ба муносибати ғайриқонунӣ ба воситаҳои нашъадор ё моддаҳои психотропӣ, ки аз ҷияни шаҳрванд Икромов ба гуфтаи худ дарёфт намудааст, аз ӯ маблағи 500 доллари амрикоӣ ба сифати пора талаб кардааст. Дар натиҷаи гузаронидани чорабиниҳои фаврӣ- тафтишотӣ Н. Ҷӯраев ҳангоми гирифтани маблағи 300 доллари амрикоӣ дастгир гардида, аз ӯ далелҳои шайъӣ ёфта гирифта шуданд. Нисбат ба ин ҳодиса бо моддаи 319 қисми 2 Кодекси Ҷиноятии Ҷумҳурии Тоҷикистон парвандаи ҷиноятӣ оғоз шуда, тафтиш дар ин самт идома дорад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
