Рӯдакӣ рафту монд ҳикмати ӯ…
Душанбе, 26.09.2014.(АМИТ «Ховар», Раъно Нусратуллозода).-Дар хобгоҳи №9 -и Донишгоҳи давлатии Хуҷанд ба номи академик Б.Ғафуров, ки дар он ҷавонписарони донишҷӯ тибқи квотаи Президентӣ таҳсил мекунанд, чорабинии адабию фарҳангӣ бахшида ба 10-рӯзи «Рӯдакихонӣ» дар мавзӯи «Рӯдакӣ рафту монд ҳикмати ӯ» доир гардид.
Тавре ки аз Маркази иттилоот ва таҳлили Раёсати донишгоҳ иттилоъ доданд, дар чорабинӣ донишҷӯён роҷеъ ба ҳаёт ва эҷодиёти қофиласолори адабиёти классики форсу тоҷик барномаи рангини тарбиявӣ омода намуда, аз ҷумла ғазалсароӣ, сурудхонӣ, латифагӯи, рубоию қасидасароӣ карда, саҳначаҳои ҳаҷвӣ нишон доданд.
Ҷоиз ба таъкид аст, ки донишҷӯписарон доир ба ҳаёт ва фаъолияти устод Абӯабдуллоҳ Рӯдакӣ бо забонҳои тоҷикӣ ва англисӣ шеърҳо низ қироат намуданд. Донишҷӯи курси сеюми факултаи биология — химия Мулобобо Азизов аз ашъори шоир сурудҳоро ба тариқи зинда хонд ва магистранти соли якуми факултаи филологияи тоҷик Насим Орифов аз рӯзгори ибратбахши Маликушшуаро қиссаҳо нақл кард.
Дар чорабинӣ раиси Кумитаи муттаҳидаи иттифоқҳои касабаи донишгоҳ дотсент Аюбҷон Усмонов, мудири кафедраи сиёсатшиносӣ дотсент Равшан Усанов ва як зумра устодони донишгоҳ сухан гуфтанд.
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
