Рӯдакӣ ва суннатгароӣ дар адабиёти тоҷику форс

 
Душанбе, 20.09.2014. (АМИТ «Ховар», Раъно Нусратуллозода).-Бо ибтикори Академияи илмҳои Ҷумҳурии Тоҷикистон, Ройзании фарҳангии Ҷумҳурии Эрон ва Китобхонаи миллии Тоҷикистон 22  сенябри соли равон дар Китобхонаи миллии Тоҷикистон таҳти унвони “Рӯдакӣ ва суннатгароӣ дар адабиёти тоҷику форс”  конфронси байналмилалӣ доир мегардад. 
Тавре ки аз Китобхонаи миллӣ иттилоъ доданд, дар назар аст дар конфронс доктор Асғари Додбеҳ аз Эрон дар мавзӯи “Рӯдакӣ ва ҳуввияти миллӣ”, доктор Қамар Ғаффор аз Ҳиндустон дар мавзӯи “Рӯдакӣ- шоири таъсиргузор”, доктор Орифи Навшоҳӣ аз Покистон дар мавзӯи “Ашъори навёфтаи устод Рӯдакӣ” ва Низомиддин Зоҳидӣ аз Тоҷикистон дар мавзӯи “Ривоҷи  маснавӣ дар шеъри Рӯдакӣ ва ҳамасрони ӯ” маърӯзаҳо шунида шаванд.