Раванди бунёдкорӣ дар Раштонзамин
Душанбе, 1.09.2014.(АМИТ «Ховар», Марзия Саидзода).- Ҷиҳати истиқболи сазовори ҷашни 23-юмин солгарди Истиқлолияти давлатии Ҷумҳурии Тоҷикистон дар шаҳраку деҳоти ноҳияи Рашт корҳои ободонию созандагӣ бо маром идома доранд. Корҳои сохтмонии марҳилаи дуюми варзишгоҳи марказии ноҳия, толори варзишии Муассисаи давлатии таълимии Донишкадаи омӯзгории Тоҷикистон дар Рашт аз ҳамин қабиланд. Ҳамзамон сохтмони бинои мактаб барои кӯдакони лаёқатманд дар маҳаллаи Дашти Рашт, бунёди бинои таълимии Омӯзишгоҳи тиббӣ дар маҳаллаи Э. Муҳиддинов, корҳои лоиҳакашӣ ҷиҳати низоми Осорхона дар маркази шаҳраки Ғарм, барқарорсозии шабакаҳои обёрӣ ва пойгоҳҳои обкашии ноҳия, сохтмони маркази ташхисии минтақавии Рашт, сохтмони корхонаи истеҳсоли орд дар маҳаллаи Сомониён босуръат ҷараён дорад. Корҳои барқарорсозии системаи гармидиҳии Маркази саломатии ноҳиявӣ, сохтмони бинои китобхона дар деҳаҳои Вардуч, Ҳисорак, Қалъанак, Зарангак, Зарифӣ, Парвоғ, Ваҳдат, Шоле, Хоҷаалӣ ва боз сохтмони даҳҳо иншооти дигари дорои таъйиноти гуногун дар марҳилаи анҷомёбист.
Мавриди зикр аст, ки сохтмони бархе аз иншоотҳо аз ҷониби Ҳукумати ҷумҳурӣ сурат гирифта, инчунин саҳми соҳибкорони ноҳия низ дар бунёди дигар иншоотҳо назаррас аст. Қисме аз иншоотҳо дар арафаи ҷашни Истиқлолияти давлатӣ ва бархеаш дар марҳилаҳои баъдӣ мавриди баҳрабардорӣ қарор дода мешаванд.
Аз мақомоти иҷроияи ҳокимияти давлатии ноҳияи Рашт ба АМИТ « Ховар» иттилоъ доданд, ки сокинони ноҳияи Рашт ҷавобан ба ғамхориҳои Ҳукумати Ҷумҳурии Тоҷикистон ва Президенти кишвар Эмомалӣ Раҳмон, бо меҳнати софдилона ва содиқона барои беҳдошти вазъи иҷтимоӣ ва дар амал татбиқ намудани сиёсати пешгирифтаи Сарвари давлат дар бахшҳои мухталиф, хусусан созандагиву бунёдкорӣ саъю талош менамоянд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






