Семинари омўзишӣ дар Кўлоб

Душанбе, 13.09.2014. (АМИТ «Ховар», Лайло Тоирӣ).- Бо ташаббуси Раёсати Хадамоти муҳоҷират дар вилояти Хатлон дар ҳамкорӣ бо намояндагии Созмони байналмилалии муҳоҷират дар Ҷумҳурии Тоҷикистон дар шаҳри Кўлоб семинари омўзишӣ баргузор гардид. Дар ҷараёни баргузории семинар масъалаҳои ба роҳ мондани корҳои иттилоотию фаҳмондадиҳӣ дар байни муҳоҷирони меҳнатӣ доир ба талаботи қонунгузории нави Федератсияи Русия, дуруст пур кардани варақаҳои муҳоҷиратӣ ва дигар масъалаҳое, ки шаҳрвандони Ҷумҳурии Тоҷикистон ҳангоми сафар ба Федератсияи Русия ба нофаҳмиҳо ва мушкилиҳо дучор меоянд матраҳ гардида, сабабҳои муҳоҷират, таҳлили саргузаштҳои ҷабрдидагон, одамфурӯшӣ ва поймолшавии хуқуқи онҳо, қоидаҳое, ки пеш аз рафтан ба хориҷа ва ҳангоми дар муҳоҷират будан бояд риоя шаванд, ба тариқи саволу ҷавоб баррасӣ шуданд. Дар ин бора ба АМИТ «Ховар» сухангӯи Хадамоти муҳоҷират Абдуллоҳи Қодирӣ хабар дод.