Шабакаҳои ба рӯҳияи ҷавонон зараровар маҳдуд мешаванд

Душанбе, 1.09.2014. (АМИТ «Ховар», Мавҷуда Анварӣ).- Сарвари давлат Эмомалӣ Раҳмон зимни суханрониаш дар Рӯзи дониш аз истифодаи ғайримақсадноки шабакаҳои интернет изҳори нигаронӣ карда, афзуд, ки вақтҳои охир аз бемасъулиятии як гурӯҳ волидайн ва масъулини баъзе муассисаҳои таълимӣ ҷавонон ва махсусан хонандагон   даст ба ҷиноят мезананд ва бо ҳамдигар муноқиша менамоянд, ки чунин муносибат то ба куштор оварда мерасонад.
Бинобар ин, ба падару модарон ва масъулини муассисаҳои таълимӣ таъкид намуд, ки истифодаи шабакаҳои иттилоотии ба рӯҳияи ҷавонон зарароварро дар хона ва мактаб маҳдуд намоянд ва истифодаи телефонҳои мобилии фарзандонро зери назорати қатъӣ қарор диҳанд.