Суғд: фарогирии 40 ҳазор хонанда ба синфи як

Хуҷанд, 2.09.2014. (АМИТ “Ховар”, Абдуаҳад Шарифзода).-Дирӯз дар ҳамаи мактабҳои  саросари ҷумҳурӣ соли нави таҳсили 2014-2015  оғоз ёфта, занги аввал садо дод. Дар маркази вилояти Суғд- шаҳри Хуҷанд беш аз 3,5 ҳазор толибилмон бори нахуст  по бар остонаи мактаб ниҳод.
Тавре ки аз шуъбаи маорифи шаҳри Хуҷанд иттилоъ доданд, дар Рӯзи дониш  дарси аввал дар ҳамаи мактабҳои  шаҳр бо дарси сулҳ оғоз ёфта, толибилмон тавассути телевизион суханронии Сарвари давлат  Эмомалӣ Раҳмонро  дар  Донишгоҳи давлатии омӯзгории Тоҷикистон ба номи Садриддин Айнӣ баргузор гашт ва он тавассути телевизион пахш шуд, тамошо карданд.
 Соли равон дар 47 мактаби шаҳр наздики 25 ҳазор талаба ба таҳсил фаро гирифта шуд. 
Дар маҷмӯъ, 1 сентябр дар миқёси вилояти Суғд 912 мактаб дари худро барои 485 ҳазор толибилм, ки аз он зиёда аз 40 ҳазор нафараш хонандаи синфи 1 мебошаду бори аввал ба остонаи мактаб қадам ниҳодааст, боз намуд, ки 33 ҳазор омӯзгор ононро ба ҷараёни таълим фаро мегирад.