Таҷлили Рӯзи Рӯдакӣ дар Донишкадаи кӯҳӣ-металлургӣ
Душанбе, 23.09.2014. (АМИТ «Ховар», Мавчуда Анварӣ).- Дар Донишкадаи кӯҳӣ-металлургии Тоҷикистон бахшида ба Рӯзи сардафтари адабиёти тоҷику форс, қофиласолори назм Абӯабдуллоҳи Рӯдакӣ чорабинии бошукӯҳ доир гардид.
Манзура Сайдуллоева-ноиби ректор изҳор дошт, ки чорабинии мазкур бо ташаббуси раёсати донишкада дар ҳамдастӣ бо китобхонаи марказии шаҳр ташкил шуда, ҳамасола дар ҳамин айём Рӯзи устод Рӯдакӣ мутантан таҷлил мешавад.
Доир ба ҳаёт ва фаъолияти Маликушшуаро сарвари китобхонаи марказии шаҳр — Гулноза Убайдуллоева ва устоди Донишкадаи кӯҳӣ-металлургии Тоҷикистон — Майсара Аминҷонова маърӯза намуданд.
Зикр гардид, ки осори Рӯдакӣ бо мазмуну маънои воло ва ғояи башардӯстона аҳли оламро ба сулҳу дӯстӣ, адолат, озодандешӣ ва ҳамбастагӣ даъват намуда, ҳамчун рамзи ваҳдати фарҳангӣ ба мардуми олам хизмат менамояд. Шеъри ҷовидонаи Рӯдакӣ омили ҳастӣ ва бақои забони тоҷикӣ буда, он дар баланд бардоштани сатҳи худогоҳиву худшиносӣ ва ватандориву ватанпарастӣ мавқеи баландро дорост.
Ҳамзамон зикр гардид, ки ашъори устод Рӯдакӣ васлгари насли дирӯз, имрӯз ва ояндаи миллати тоҷик буда, бо арзишҳои ахлоқиву фалсафӣ ва илмиву фарҳангӣ сафои рӯзгори насли башар аст.
Дар ҷараёни чорабинӣ аз ҷониби донишҷӯён ва санъаткорони шаҳр аз эҷодиёти Абӯабдуллоҳи Рӯдакӣ шеъру ғазал ва порчаҳои назмӣ пешкаши меҳмонон гардонида шуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






