Театри Шукур Бурҳонов 80 сола шуд

Душанбе, 3.09.2014. (АМИТ «Ховар», Мавҷуда Анварӣ).- Муҳтадӣ Маҷидӣ, раиси ноҳияи Спитамен дар рӯзи ҷашни 80-солагии театри ба номи Ш. Бурҳонов аз номи мақомоти иҷроияи ҳокимияти давлатии ноҳия ба кормандони он туҳфаи хотиравӣ — мошини тамғаи «Starex » супурд.Тибқи иттилои Хадамоти матбуоти раиси вилояти Суғд, дар чорабинии идона сардори раёсати фарҳанги вилоят Ориф Набиев, раиси ноҳияи Спитамен Муҳтадӣ Маҷидӣ, кормандони соҳаи фарҳанг, фаъолони ноҳия ва ҳаводорони санъат иштирок карданд. Кормандони театрро раиси ноҳия табрик намуд.Сипас Ориф Набиев, сардори раёсати фарҳанги вилоят кормандони театрро бо ҷашни 80 — солагӣ аз номи раиси вилоят Абдураҳмон Қодирӣ табрик намуда, ба кормандони театр туҳфаҳои хотиравӣ супорид.