Тоҷикистон-кишвари сайёҳӣ

Сентябрь 23, 2014 11:50

Душанбе, 23.09.2014 (АМИТ “Ховар”, Фарзонаи Давлат).- Аз 22 то 29 сентябри соли ҷорӣ дар тамоми қаламрави ҷумҳурӣ ҳафтаи баргузории силсила чорабиниҳои маърифативу фарҳангӣ ва илмиву амалӣ бахшида ба Рӯзи ҷаҳонии туризм, ки он ҳамасола дар тамоми ҷаҳон 27-уми сентябр ҷашн гирифта мешавад,  баргузор мегарданд.  
Тавре ки дар ин бора мудири Бахши таҳлилу иттилоотии Кумитаи ҷавонон, варзиш ва сайёҳӣ Ҷалолиддин Нуров хабар дод, кумитаи мазкур бо мақсади инкишофи туризми дохилӣ, ҷалби таваҷҷуҳи ҷомеа ба мероси бойи таърихию фарҳангии мамлакат, табиати нотакрор, обҳои шифобахш, маданият, урфу одатҳои миллии мардум ва муаррифии ҳарчи бештари он дар дохил ва берун аз кишвар чорабиниву озмунҳои ҷумҳуриявии “Осоишгоҳи сол”, “Меҳмонхонаи сол” ва “Ширкати пешқадами туристӣ”-ро эълон намудааст, ки дар Рӯзи ҷаҳонии туризм ҷамъбаст хоҳанд гашт. 
Дирӯз дар Литсеи хизмат ва туризми шаҳри Душанбе ва Донишгоҳи давлатии омўзгории Тоҷикистон намоиши дастовардҳои донишҷўён бо ташкили мизи муддавар доир гардид.
Ҳамчунин дар назар аст 24-уми сентябр дар Донишкадаи соҳибкорӣ ва хизмат бо мутахассисони соҳаи сайёҳии кишвар семинари омўзишии имкониятҳои рушди соҳа дар кишвар, 27 сентябр ҳашари ҷумҳуриявии ҷавонон баҳри беҳдошти фазои экологии кишвар,  Намоишгоҳи  ҳунарҳои мардумӣ ва савғотии беҳтарин ба сайёҳон, чорабинии фарҳангӣ маърифатӣ ва илмӣ дар Донишгоҳи миллии Тоҷикистон баргузор шаванд.  Рўзи 29-уми сентябр 4-умин конфронси миллии туристии  “Тоҷикистон- кишвари туризм” баргузор мешавад.
  Гуфта мешавад, ки чорабиниҳо дар доираи татбиқи «Барномаи давлатии рушди туризм дар Ҷумҳурии Тоҷикистон дар давраи солҳои 2010-2014», инчунин бо мақсади  иҷрои қарори Ҳукумати Ҷумҳурии Тоҷикистон аз майи соли 2014 дар бораи нақшаи чорабиниҳо оид ба беҳтар намудани фазои сармоягузорӣ дар бахши туризм ва тавсияҳои муҳокимаи парлумонӣ аз июни соли 2014 доир ба иҷрои буҷети давлатии ҷумҳурӣ дар қисми маблағгузории «Барномаи давлатии рушди туризм дар Тоҷикистон барои солҳои 2010-2014», лоиҳаи «Барномаи давлатии рушди туризм дар ҷумҳурӣ дар давраи солҳои 2015-2019» сурат мегиранд. Чорабиниҳои мазкур дар дигар минтақаҳои кишвар низ баргузор мешаванд. 

Сентябрь 23, 2014 11:50

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид