Украина: Порошенко хостори оташбас аст

       Душанбе,05.09.2014. (АМИТ «Ховар», Иброҳими Ҳабибуллоҳ).-Президенти Украина Петро Порошенко  шоми 4 сентябр ба васоити ахбори оммаи кишвараш  гуфт, ки рӯзи 5 сентябр ба муҷарради оғози музокироти Минск фармони оташбас дар манотиқи ошӯбзадаи шарқи Украинаро хоҳад дод. Порошенко, ки дар пешорӯи шурӯи нишасти сарони НАТО дар Уэлс суҳбат карда, хоҳиш намуд, ки  ман аз Ситоди кулли артиш хоҳонам, ки  оташбаси дуҷонибаро ҷорӣ кунанд. Ва низ зикр намуд, ки мо умедворем,  истиқрори оташбас аз пагоҳ оғоз хоҳад ёфт.
 
Душанбе,05.09.2014. (АМИТ «Ховар»).- Мувофиқи иттилои Вазорати корҳои хориҷии Амрико ҳайатҳои Иёлоти Муттаҳида  ва Эрон дар як гуфтушунид дар Женева барномаи ҳастаии Теҳронро баррасӣ хоҳанд кард. Гуфта мешавад, ки  ҳайати гурӯҳи кориро  ноиби вазири умури хориҷии Иёлоти Муттаҳида Вилём Бурнс, ёвари вазир дар умури сиёсӣ Вэнди Шермон ва мушовири аршади вазорат Ҷекоб  Саливан раҳбарӣ мекунанд. 
 
Душанбе,05.09.2014. (АМИТ «Ховар»).-Мувофиқи иттилои шабакаи интернетии Би-Би-Си-роҳбари гурӯҳи ал-Қоида Аймон Завоҳирӣ эълон кардааст, ки  дар Ҳиндустон низ як шуъбаи нав таъсис додаанд. Телевизиони Ҳиндустон мегӯяд, баъд аз эълони Завоҳирӣ дар се иёлати ин кишвар, ки ақаллияти бузурги мусулмон доранд, ҳолати омодабош эълон шудааст. Лозим ба ёдоварист, ки Ал-Қоида то ҳоло дар Афғонистон ва Покистон низ фаъол мебошад.