Ҳалокати як зоири тоҷик дар Макка

Октябрь 8, 2014 15:23

 
Душанбе, 8.10.2014. (АМИТ “Ховар”, Мавҷуда Анварӣ).-  Шоми 7-уми октябри соли 2014 Олимхӯҷа Раҳимови 49-сола, сокини деҳаи Элоки ноҳияи Файзобод, ки дар мавсими ҳаҷи соли равон ба сифати роҳбалади ҳоҷиёни ноҳияи Файзобод хизмат менамуд, бо сабаби хуруҷи бемории қанд аз олам даргузашт. 
Ба гуфтаи сардори маркази матбуоти Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Афшини Муқим, марҳум қаблан аз ин беморӣ ранҷ мебурд ва  маризиаш баъди адои маносики ҳаҷ дубора хуруҷ намуда, боиси ба ҳолати беҳушӣ (кома) гирифтор шудани ӯ гардид. 
«Ҷанозаи марҳум субҳи имрӯз, 8-уми октябр баъди намози бомдод дар Масҷид-ул-ҳаром баргузор гардид ва ҷасади ӯро дар оромгоҳи «Шароеъ», воқеъ дар назди ҳарам ба хок супориданд»-илова намуд А. Муқим. 
Марҳум Олимхӯҷа Раҳимов аз иҷрои уҳдадориҳои худ   ба сифати роҳбалад дар ин мавсим сарбаландона баромад ва зоирине, ки зери роҳбаладии ӯ маносики ҳаҷро адо намуданд, аз марги бемаҳали ӯ изҳори андӯҳ карданд. 
Роҳбарият ва аҳли кормандони Кумитаи оид ба корҳои дин, инчунин ҳайати ситоди «Ҳаҷ-2014» ба наздикони марҳум амиқан изҳори тасаллият намуда, ба марҳум раҳмату мағфирати Парвардигор ва ба фарзандону пайвандонаш  сабри ҷамил хоҳонанд. 

 

Октябрь 8, 2014 15:23

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид