Ҳамкории Иттиҳоди Аврупо ва Тоҷикистон рушд меёбад
Душанбе, 14.10.2014. (АМИТ «Ховар»). – 13 октябр роҳбари навтаъйини намояндагии Иттиҳоди Аврупо дар Тоҷикистон сафир Ҳидоят Бишчевич нусхаҳои эътиборномаҳояшро ба вазири корҳои хориҷии Тоҷикистон Сироҷиддин Аслов супурд.
Тавре ки ВКХ ҶТ хабар медиҳад, Сироҷиддин Аслов дар ҷараёни мулоқот изҳори умедворӣ намуд, ки сафири нави Иттиҳоди Аврупо ба таҳкиму рушди минбаъдаи муносибатҳои дуҷонибаи Тоҷикистон ва Иттиҳоди Аврупо саҳмгузор мешавад.
Ҷонибҳо аз сатҳи рушди ҳамкории миёни Тоҷикистон ва Иттиҳоди Аврупо изҳори қаноатмандӣ карда, иброз доштанд, ки барномаи дуҷонибаи он барои солҳои 2014 -2020 ба манзури татбиқи минбаъдаи лоиҳаҳои бахшҳои маориф, тандурустӣ ва рушди деҳот мавриди истифода қарор мегирад.
Дар ҷараёни мулоқот ҳамчунин перомуни масоили минтақавию байналмилалӣ, ҳамкорӣ дар бахши энергетикаи обӣ, амният, вазъияти Афғонистон ва масоили дигари мубрам табодули афкор баргузор шуд.
Вазири корҳои хориҷии ҶТ дар анҷоми мулоқот ба Ҳидоят Бишчевич дар фаъолияти касбиаш муваффақиятҳо орзу кард.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
