Ҳавои сард боиси боришот шуд
Душанбе, 08.10.2014. (АМИТ «Ховар», Кристина Эрлих). – Имрӯз, 8 октябр, дар саросари минтақаҳои Тоҷикистон, аз ҷумла дар пойтахт боришот шуда, дар баъзе маҳалҳо борони сел ва вазидани шамоли сахт дар назар аст.
Тавре ки аз Маркази ҳавосанҷии Тоҷикистон ба АМИТ «Ховар» хабар доданд, чунин ҳодисаи табиӣ муддати дароз давом накунад ҳам, бо расидани фасли тирамоҳ ҳаво чандон гарм намешавад. Мувофиқи маълумоти пешакӣ, моҳи октябр ҳарорати ҳаво рӯзона аз 13 – 18 дараҷа гармтар намешавад.
Имрӯз ҳарорати ҳаво дар ҷумҳурӣ рӯзона 9 – 15 дараҷа ва дар пойтахти Тоҷикистон 12 дараҷа гарм мешавад.
Пагоҳ, 9 октябр дар нимаи дуюми рӯз боришот хотима ёфта, ҳарорати ҳаво 15 – 18 дараҷа гарм мешавад.