Ҳунари қолинбофии тарзи эронӣ дар Суғд

 
Душанбе, 4.10.2014. (АМИТ “Ховар”, Мавҷуда Анварӣ).- Дар маркази таълимӣ — истеҳсолии “Шероз” мутахассисони қолинбоф аз Ҷумҳурии ИсломииЭрон ба бонувони тоҷик нозукиҳои ҳунари қолинбофии тарзи эрониро меомӯзонанд.
Тибқи иттилои Хадамоти матбуоти раиси вилояти Суғд, дар марказ 400 нафар бону бо ҷои кор таъмин шуда, 764 нафар занону духтарон аз шаҳру навоҳии вилоят ба омӯзиши ҳунари қолинбофӣ ҷалб  шуданд.
Ҳамзамон бояд гуфт, ки зиёда аз 1000 нафар занону духтарони бекору хонашин, ки хоҳиши омӯхтани ин ҳунарро доранд, номнавис гардида, теъдоди муайяни онҳо ба фаъолият оғоз кардаанд.