Ҷамъбасти нӯҳмоҳа дар Кумитаи ҳифзи муҳити зист

     Душанбе, 10.10.2014. (АМИТ «Ховар», Назири Назир).-Имрӯз дар Кумитаи ҳифзи муҳити зисти назди Ҳукумати Ҷумҳурии Тоҷикистон ҷаласаи мушовара оид ба ҷамъбасти фаъолияти кумита дар 9 моҳи соли ҷорӣ баргузор гардид. Дар он раиси Кумита Хайрулло Ибодзода доир ба фаъолияти соҳа дар давраи ҳисоботӣ бо назардошти муваффақият ва камбудиҳои ҷойдошта маърўза кард.
  Дар ҷаласа сардорони раёсатҳои ҳифзи муҳити зисти вилоятҳои Хатлон, Суғд, ВМКБ, директори МД «Обуҳавошиносӣ», раёсати ҳифзи муҳити зисти шаҳри Душанбе доир ба фаъолияти самти худ ҳисобот доданд. Ҳамзамон ҳисобот ҷиҳати омодагӣ ба давраи тирамоҳу зимистонгузаронии солҳои 2014-2015 аз ҷониби муовини раиси кумита Шамс Назаров пешниҳод шуд.
  Дар ҷаласаи мазкур фаъолияти ҷории нўҳмоҳаи мақомоти соҳавӣ ҳаматарафа муҳокима гардида, вазифаҳо барои ҷамъбасти сазовори соли 2014 муайян гаштанд.
 Дар ҷаласа сардори Раёсати кишоварзӣ ва ҳифзи муҳити зисти Дастгоҳи иҷроияи Президенти Ҷумҳурии Тоҷикистон Ҷалил Пиризода сухан гуфт.