Барасии технологияи истихроҷи маъданҳои кӯҳӣ дар Олмон

 Душанбе,15.10.2014.(АМИТ «Ховар», Кристина Эрлих).- Ҷаласаи минтақавӣ дар мавзӯи «Технологияи истихроҷи маъданҳои кӯҳӣ ва ғанигардонии он» 10 октябр дар Ҷумҳурии Федеролии Олмон кори худро ба анҷом  расонид.
 
Тибқи иттилои маркази матбуоти Сарраёсати геологияи назди Ҳукумати Ҷумҳурии Тоҷикистон, ҷаласаи мазкур бо ташаббуси Ҷамъияти Олмон  доир ба ҳамкориҳои байналмилалӣ ташкил карда шуд.
 
Аз ҷониби Тоҷикистон сардори Сарраёсати геологияи назди Ҳукумати Ҷумҳурии Тоҷикистон Мурод Ҷумаев  иштирок намуд.
 
Тибқи иттилои манбаъ, зимни чорабинӣ муаррифии ширкатҳои калони Олмонӣ (VDMA, Wirtgen grup, Liebherr, Herrenknecht AG, Steinert, FAM),  барориши таҷҳизот ва машинаҳо барои бахши истихроҷи маъдан баргузор гардид. Иштирокчиёни ҷаласа ҳамчунин бо фаъолияти Академияи кӯҳии Фрайберг шинос гаштанд