Бо даъватномаи аввалин ба хизмат: шиор

Душанбе, 09.10..2014. (АМИТ «Ховар», Лайло Тоирӣ)-  Дар айни замон дар шаҳру навоҳии ҷумҳурӣ дар сатҳи зарурӣ ташкилу ба роҳ мондани маросими даъвати тирамоҳии шаҳрвандон ба сафи Қувваҳои Мусаллаҳ мунтазам ҷараён дорад. Ҳафтаи гузашта дар Комиссариати ҳарбии ноҳияи Шоҳмансур бо иштироки мақомоти масъули даъват, мактаббачагон, ҷавонони синни даъватӣ ва волидони онҳо ҷамъомад доир шуд. 
Зимни вохӯрӣ масъулини даъват изҳор доштанд, ки ҳамасола сафи ҷавонони ихтиёрӣ ва он нафароне, ки баъди гирифтани аввалин даъватнома ба камиссариати ҳарбӣ ҳозир мешаванд, хеле зиёд гаштааст.
Аз ин рӯ, изҳори умед шуд, ки ҷавонони бонангу номуси кишвар бо риояи талаботи Сарқонуни Ҷумҳурии Тоҷикистон ва қонуни Ҷумҳурии Тоҷикистон «Дар бораи уҳдадории умумии ҳарбӣ ва хизмати ҳарбӣ» дар нахустин рӯзҳои даъват ба камиссариати ҳарбӣ ҳозир шуда, баҳри хизмат ба халқу Ватан гусел мешаванд.
Дар ин бора аз хадамоти матбуоти Вазорати мудофиаи ҶТ иттилоъ доданд.