Бунгоҳи нави тиббӣ дар Шӯрообод
Шӯробод, 09.10.2014. (АМИТ «Ховар», Сулаймони Хол).- Дар ноҳияи Шӯрообод бо дастгирии Ҳукумати Ҷумҳурии Тоҷикистон дар солҳои соҳибистиқлолӣ барои пешрафти соҳаи тандурустӣ ва беҳдошти шароити хизматрасонии тиббӣ дар марказ ва деҳоти ноҳия зиёда аз 20 муассисаи тиббӣ бо таъмини таҷҳизоти зарурӣ ба истифода дода шуд.
Бо дастгирии мақомоти иҷроияи ҳокимияти давлатии ноҳия тибқи лоиҳа бо харҷи зиёда аз 700 ҳазор сомонӣ дар деҳаи дурдасти Оби тираи ноҳия як бунгоҳи нави тиббӣ мавриди истифода қарор гирифт.
Муассисаи нави тиббӣ бо дастгирии Вазорати тандурустӣ ва ҳифзи иҷтимоии кишвар бо маблағи беш аз 10 ҳазор сомонӣ бо таҷҳизоти зарурӣ таъмин гардид, ки он минбаъд ба сокинони деҳаҳои дурдасти Хуҷабоғ ва Деҳи Қозӣ низ хизмати тиббӣ мерасонад.
Имрӯзҳо дар ноҳияи Шӯрообод бо дастгирии мақомоти иҷроияи ҳокимияти давлатӣ дар деҳаи Чагам сохтмони беморхонаи қитъавӣ, ки дорои 20 кати хоб аст, идома дорад. Мувофиқи лоиҳа дар деҳаҳои Навбулоқ, Девдор ва Дараи об низ сохтмони бунгоҳҳои тиббӣ ба нақша гирифта шудааст.
Зикр шуд, ки соли равон бо дастгирии Ҳукумати Ҷумҳурии Тоҷикистон беморхонаи марказии ноҳия ба маблағи 108 ҳазор сомонӣ бо 12 номгӯй таҷҳизоти тиббӣ таъмин гардида, бо маблағгузории мақомоти иҷроияи ҳокимияти давлатӣ беморхонаи қитъавии деҳоти Дашти Ҷум аз таъмири асосӣ бароварда шуд, ки дар доираи чунин корҳои таҷдиду навсозӣ вазъи муассисаҳои тиббӣ дар ноҳия сол аз сол беҳтар мегардад.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






