Дастхатҳои тоҷикӣ дар китобхонаҳои Ҳиндустон

Душанбе, 10.10.2014. (АМИТ «Ховар», Марҳабои  Азамат). – Президенти  ҶТ Эмомалӣ  Раҳмон   зимни  суханрониаш  ба  ифтихори Рӯзи забони  давлатии Ҷумҳурии  Тоҷикистон  изҳор  дошт, ки  забони тоҷикӣ тайи  6  қарн  дар  замони  темуриён дар  қаламрави  Ҳиндустон  мақоми   забони расмиро касб  намуда, дар умури давлатии  ин  кишвар  мавриди  истифода  қарор  дошт. 
Президенти  кишвар  хотирнишон  сохт, ки  дар  Ҳиндустон луғату  китобҳои  дарсӣ  ба  забони тоҷикӣ таълиф  шудаанд. Имрӯз  дар китобхонаю  бойгониҳои  Ҳиндустон  дастхатҳои  сершумор  ба  забони  тоҷикӣ  маҳфузанд, ки  бисёрии онҳо   нодиру камёфтанд.