Фаррух қарзашро гирифт

Душанбе, 17.10.2014. (АМИТ «Ховар»,  Лайло  Тоирӣ). – Муҳоҷири  32 —  солаи тоҷик – сокини  ноҳияи  Тоҷикобод Фаррух  Муродов  дар  аризааш  унвонии  Намояндагии Хадамоти  муҳоҷирати  ҶТ  дар  ФР шикоят кард, ки  баъди  таъмири хонаи  яке  аз  сокинони   шаҳри Благовешенски  вилояти  Амур  корфармо  як  қисми  ҳаққи  меҳнаташро  пардохта, вале  баъди  анҷоми  кор  бо баҳонаҳои  гуногун  аз  пардохти  бақияи  маблағ, ки  320  ҳазор  рублро ташкил  медиҳад,  рӯ  гардонидааст. 
Тавре  ки котиби  матбуоти  Намояндагии Хадамоти  муҳоҷирати ҶТ  дар  ФР  Иброҳим  Аҳмадов  хабар  дод,  баъди   дахолати  корманди  намояндагӣ  соҳиби  ин  хона қарзи  аз  муҳоҷири  меҳнатӣ доштаашро  пурра  пардохт.